A Community Service Having To Give Zakaat

فلا تجب الزكاة في سوائم الوقف والخيل المسيلة لعدم الملك وهذا؛ لأن في الزكاة تمليكا والتمليك في غير الملك لا يتصور.
(بدائع الصنائع ۲: ۹، دار الكتب الحديث)

سوال متعلقہ زکوۃ امدادی فند۔ جواب: محلے کا وہ روپیہ جو جماعت کا مشترک روپیہ ہو اور لوگوں کے کام آنے کیلئے جمع ہو یا مسجد کا روپیہ ہو اس میں زکوۃ واجب نہیں ہے اور جو روپیہ کسی کی ملکیت ہو اس میں زکوۃ واجب ہے۔
(کفایت المفتی ، ۴: ۲۵۰، مکتبہ امدادیہ )

جس مال کا کوئی متعین مالک نہ ہو بلکہ مسجد یا مدرسہ یا اور کوئی ادارے اس کے مالک ہوں ان میں زکوۃ واجب نہیں ہو گی۔
( جدید فقہی مسائل، ۳۰:۲، زمزم پبلشرز) 

مدارس اسلامیہ اور مساجد اور دیگر قومی اور رفاہی فنڈ بیت المال وغیرہ شخص حقیقی نہیں ہے بلکہ یہ سب اشیاء اشخاص حکمی میں شامل ہیں اور اسلامی شریعت نے زکوۃ کا فریضہ شخص حقیقی کی ملکیت تامہ پر واجب کیا ہے اور شخص حکمی کی ملکیت پر واجب نہیں کیا ہے اس لئے مساجد مدارس قومی فنڈ اور بیت المال وغیرہ کی ملکیت پر زکوۃ واجب نہیں ہے۔
( جدید فقہی مباحث، ۲۸۵:۶، ادارۃ القرآن والعلوم الاسلامية )

اموال مدرسہ : زکوۃ کی جو رقم مدارس یا بیت المال میں اکٹھا ہوتی ہیں ان کا کوئی مالک متعین نہیں، اسی طرح جو رقم از قسم عطا یا وصدقات نافلہ اداروں کو مطلق وجوہ خیر میں صرف کرنے کیلئے یا متعین مدات پر صرف کرنے کیلئے دی جاتی ہیں ، وہ دینے والوں کی ملک سے نکل کر اللہ کی ملک میں داخل ہو جاتی ہیں ، اس لئے بیت المال مدارس یا دیگر رفاہی اداروں میں جمع شده در قوم پر زکوۃ واجب نہیں ہو گی۔
(اہم فقہی فیصلے ، ص ۵۵، ادارۃ القرآن کراچی)

(فتاوی دار العلوم زکریا، ۱۱۸:۳، زمزم پبلشرز)